尖沙咀楼上日式烧鸟店

火赤食串烧真心唔错！有5款调味任拣，有抹茶盐、柚子盐、咖喱粉、七味粉同一味粉，搭配出唔同味道慨串烧。特别推荐柠檬盐搭配串烧，口感清新宜人，而咖喱粉带嚟浓郁而不辣慨风味，钟意串烧慨朋友一定唔好错过呢度！ 🐟烧鳕鱼干 鳕鱼干薄身烧到超香脆，再蘸少少沙律酱，已经好味到令人食唔停口！ 🐤鸡髀肉 鸡颈肉 芝士烟肉 鸡髀肉外皮烧到香口脆身，鸡肉软腍多汁。鸡颈肉爽口有弹性，唔油腻，简单调味已经好好味。烟肉厚片卷住大粒水牛芝士同埋紫苏叶，清新慨紫苏叶令芝士唔会肥腻，口感更丰富！ 🐤鸡下心 鸡食道 鸡下心口感微弹，带有嚼劲，搭配甜甜地慨酱汁。鸡食道口感弹牙又脆口，好特别！ 🐤糯米鸡肉棒 糯米饭烧到外脆内软，仲有免治鸡肉碎系入面。一啖咬落去，饭焦味道特别突出，鸡肉仲好多汁添，真系好好味！ 💚秋葵 烧秋葵口感爽脆微甜，再加埋啲黏黏慨口感，食落去清新爽口。 🍙酱油饭团 师傅将饭团调咗味同埋涂咗酱汁，然后烧到外皮香脆，里面又软熟慨。食落去香脆同软糯慨口感混合，超满足！ 🫑唐辛子 外皮薄身，入口微甜，余韵带有微苦慨味道。 🧆抹茶蕨饼 食完热辣辣慨串烧，最后食返冰凉慨抹茶蕨饼好舒服，口感烟韧，带有清新抺茶香气。 📍 火赤 尖沙咀宝勒巷29号宝昌商业大厦5楼